Bos días a todxs.
Para seguir disfrutando do tempo, da man de Rosa Herraiz propoñémosvos outra lámina relacionada con Tequexetéldere e o mundo do folclore.
Desta vez é o turno das pandeiretas.
Agardando que xs peques (e non tan peques ????) pasen un rato agradable, aquí vos vai a nova:
Para estos días, aquí vos deixamos unha parella de baile feita pola nosa querida Rosa Herraiz para que xs cativxs, e non tanto, a coloreedes e nola remitades por correo para que as poidamos publicar nas nosas redes.
E non esquezades poñerlle o voso nome.
Lembra que #NósQuedamosNaCasa.
Onte venres unha pequena representación das nosas escolas de baile e música tradicional estiveron actuando na Feira do Libro que esta fin de semana tivo lugar na Praza do Concello da Estrada.
Noraboa aos nosos pequechos polo ben que o fixeron
Para comezar este curso o vindeiro 13 de outubro ás 18 h no Teatro Principal da Estrada farémolo cun festival, convidando aos amigos marllorquíns, Sarau Alcudienc.
A entrada será de balde, con retirada de invitación no Departamento de Cultura do Concello da Estrada.
Para rematar un estupendo ano de folclore o vindeiro 17 de xuño ás 18:00 no Teatro Principal da Estrada faremos un festival onde as nosas escolas serán as protagonistas.
Todas as escolas amosarán o aprendido durante este curso, baile, gaita, pandeireta, percusión, acordeón, unha tarde de música e baile tradicional ao que vos convidamos a vir.
E moi pronto comezamos a reserva de praza para o vindeiro curso, estate atento!!!
Entrada de balde, con retirada de invitación.
Se non queres quedar sen praza para o vindeiro curso das escolas de Tequexetéldere, podes facer unha reserva de praza para os cursos que darán comezo no mes de outubro.
O prazo estará aberto do 15 ao 30 de xuño.
Como todos os anos, as actividades as que vos podedes anotar son baile, gaita, pandeireta, percusión e acordeón.
O custe das actividades é de 10 euros ao mes para a primeira actividade e de 7 para a segunda actividade ou segundo irmán.
A matrícula pódese facer a traves do seguinte enlace
https://goo.gl/forms/jiKyinPSgE0W0z1M2
Se tes algunha dúbida podes poñerte en contacto con nós no telf 660 136 787 ou no correo Este enderezo de correo está a ser protexido dos robots de correo lixo. Precisa activar o JavaScript para velo.
Esta fin de semana, Tequexetéldere estivemos de viaxe por terras rioxanas coas nosas escolas participando no “Festival de Folklore Infantil Ciudad de Logroño“, organizado polo Grupo de Danzas de Logroño a quenes dende aquí queremos dar os máis sinceiros parabéns por unha perfecta organización e agarimosa hospitalidade.
As nenas e nenos das nosas escolas puideron compartir escenario e experiencias con outros nenos da Rioxa e Murcia, así como coñecer a súa cultura e tradicións.